HINDI magawang iwan ni Count ang asawa sa mansion kahit na sandali. Palagi na lamang kasi itong nakahiga at kung hindi mo aayaing kumain ay wala itong balak na kumain. Ginagawa niya naman ang lahat upang maibalik ito sa dating sigla. Ngunit batid niyang hindi iyon ganoon kadali para rito lalo na at isa itong ina na nawalan ng anak nang hindi pa man nito nakikita. Nasasaktan pa rin naman siya, subalit batid sa sariling kailangan magpakatatag para rito. Hindi pupwedeng pareho silang manghina, dahil siguradong hindi tatakbo ang kanilang mundo.
Nang mga sumunod na araw ay naging abala si Count sa loob ng organisasyon. Simula nang binulabog niya ang nagaganap na pagpupulong noon ay wala na siyang ibang narinig sa mga tauhan ni Serenity patungkol sa kaniya. Paunti-unti ay natututunan niya ang
