"SIGURADO ka ba, Uncle? Baka hindi ka lang nagsasabi ng totoo? Magagalit talaga ako sa'yo!"
Pagkarating nga namin kagabi ay naabutan naming natataranta si Chona. Nag-collapse pala si Uncle Rei sa kwarto nito at hindi malaman ng kasambahay kung ano ang gagawin. Nakaalis na pa man din ang buong pamilya ni Michael kaya sila lang ang naiwan sa bahay. Si Teresa naman ay pinagbakasyon muna namin bago kami tumungong Zambales, pero natawagan ko na ito kanina at nasabihang bumalik.
"Victoria, hindi mo ba ako nakikita? Look, I'm okay! I'm perfectly fine. I'm not lying about my health," sagot ni Uncle.
Isinugod namin siya sa emergency kagabi at kanina lang pinayagang umuwi pagkatapos ma-check nang husto ng doktor nito. Okay naman ang lahat ng tests results niya maliban sa blood pressure na medy
