"Wala na tayong pag-asang makalaya pa dito!" bulalas ni Malakias na siya ngang walang pasubaling ibinato ang simentong hawak sa pader nang saglitang umalis ang mga ravenang nakabantay sa kanila. "Kasalanan mo ito eh."
Natigilang tuluyan ang Raja Ismail at nanlalaki ngang mga matang tinignan si Malakias nang kwelyuhan siya nito bigla.
"Kung hindi mo kami pinagkanulo dito ay sana malaya pa rin ang angkan ng mga babaylan!"
"Malakias, ikaw ay maghunos dili," ani Rani Arwa na siya ngang sinubukang umawat sa away ng kaniyang asawa at ni Malakias ngunit pwersahan lamang siyang itinulak ni Malakias palayo dahilan upang manlaki ang mga mata ngayon ni Raja Ismail at hindi na nga nagdalawang isip pang itulak si Malakias at buong pwersa itong sinuntok palayo sa kaniya.
At nang akmang tutulungan
