HINDI mapakali si Ira habang pabalik-balik ang tingin niya sa salamin na nasa harapan niya. Ilang minuto na siyang nasa loob ng banyo, pero hindi pa rin nababawasan ang pagkapula ng kaniyang mukha. Ayaw niya namang lumabas na ganoon ang itsura niya dahil paniguradong makaririnig na naman siya ng pang-aasar galing kay Allen.
"Ira," pagtawag ni Allen mula sa labas. Napahinto naman ang dalaga at humarap sa pinto. "Hindi ka pa rin ba tapos?"
"H-Hindi pa. Sumakit k-kasi bigla 'yong tiyan ko," pagdadahilan ng dalaga. Hindi naman na siya nakarinig pa mula kay Allen kaya akala niya ay hinayaan na siya nito. Lumapit naman siya ulit sa lababo at ilang beses na binasa ang kaniyang mukha para lang mabawasan ang pag-iinit nito.
Pagkatapos niyang mag-confess sa binata ay wala siyang kasiguraduhan kun
