NANLAKI ang mga mata ng dalaga nang makita ang mga magulang niya at mga kakilala niya noong nagtatrabaho pa siya bilang modelo. Hindi niya maipaliwanag ang nararamdaman nang ibalik niya ang tingin kay Allen na nakangiti na sa kaniya.
Unang-una pa lang ay hindi niya inaasahan na maaalala ng binata ang kaarawan dahil kahit siya ay hindi niya na ito matandaan pa. Bukod pa roon ay pinaghandaan din siya ng napakaraming pagkain at binigyan pa siya ng regalo na alam nitong sobrang magugustuhan ng dalaga.
"Happy birthday, nak," bati ng nanay ni Ira nang makalapit ito at binigyan ng halik sa pisngi. Halata rin dito ang pamumula ng kaniyang mata na para bang maiiyak. Lumapit naman ang tatay ni Ira at niyakap nang mahigpit ang kaniyang anak.
"Happy birthday, Ira," pagbati ng kaniyang ama. Ngumit
