MABILIS na lumipas ang araw at mamayang gabi na gaganapin ang kaarawan ng kapatid ni Lester. Tuluyan na ring napapayag ni Ira si Allen na sumama sa kaniya kahit na ilang beses siya nitong i-reject. Nagkaroon pa nga ng problema dahil huling araw na bago niya naaya nang tuluyan si Allen.
Problemado pa ang dalaga kung ano ang ireregalo kay Fiona, pero nagulat na lang ito dahil kanina lang ay may dumating na package. Iyon pala ang in-order ni Allen online na hindi man lang nagsabi sa kaniya ang binata. Mabuti na lang nga at nakapaghanda agad ang lalaki kahit na wala pa sa plano nito ang sumama kaya naman nagpapasalamat ang dalaga rito.
Maayos namang nakapagpaalam sina Ira at Allen kay Alyanna at pinayagan naman sila. Pinaiwan lang nila si Riley sa dalawang katulong dahil baka mahirapan sila
