KINABUKASAN ay maagang nagising ang mga magulang ni Ira para maghanda ng kanilang almusal. Kasabay ng paggising nila ay ang paggising din nina Manang Norma at Isabela kaya tumulong na rin ang mga ito sa paghahanda.
Maaga silang umalis para mamalengke sa may bayan. Samantalang naiwan naman ang tatlo sa bahay. Nang magising si Riley ay nagising na rin si Allen para painumin ito ng gatas at palitan ang diaper ng bata. Mahimbing pa na natutulog sa kama si Ira kaya hindi niya na ito ginising. Alam niya kasing pagod ang dalaga at kailangan nito ng mahabang pahinga.
Bago bumaba ay kinuha ni Allen ang kaniyang phone. Pagkababa ay hindi niya nadatnan doon ang ibang mga tao. Naghanda na lang siya na maiinom na kape at nakipaglaro kay Riley habang naghihintay pa sa iba. Ilang saglit pa ay naka-rece
