MABILIS na napalapit si Ira nang makita ang sunod-sunod na pagtulo ng mga luha ni Jhoyce. Nilapitan niya ito at niyakap nang mahigpit.
"Sorry dahil hindi ko kaagad sinabi sa iyo," wika ni Ira sa pagitan ng mga yakap nila. Patuloy pa rin ang mahihinang iyak ng kaibigan at nararamdaman ni Ira ang pagtaas baba ng balikat ni Jhoyce dahil sa paghikbi. Mas hinigpitan niya pa ang yakap at hinaplos ang likuran ni Jhoyce para patahanin.
Nang mapakalma ni Ira ang kaibigan ay inalalayan niya itong makaupo sa may couch. Kahit na pautal-utal sa pagsasalita ay sinubukan pa rin ni Jhoyce na magtanong kay Ira dahil gusto niyang malaman ang malalim na dahilan kung bakit 'yon ginawa ng kaibigan.
"Bakit hindi mo sinabi sa akin noon? Bakit ngayon ko lang nalaman ang lahat ng 'to?" Napahawak si Jhoyce sa ma
