NAGKATINGINAN naman sila sa isa't isa bago nagsimulang kumain. Magkatabi sina Ira, Allen at Nanay Norma, kaharap naman nila sina Alyanna, Jhoyce at Isabela. Magkausap sina Ira at Alyanna habang kumakain at lihim na nagbubulungan naman sina Ira at Allen.
"Paano nalaman ni Jhoyce na nandito ka?" bulong ni Allen sa kaniya. Sumubo muna ng kanin si Ira at nagkibit balikat. "Hindi niya ba talaga sinabi sa iyo na pupunta siya?"
Napatigil sa pagkain ang dalaga at napatingin saglit kay Allen. "Wala akong alam," saad ni Ira. Totoo naman kasi na wala siyang alam at biglaan lamang ang nangyari. Hindi niya rin naman ginusto na mangyari 'to.
"Kailan niyo ba kasi balak mag-anak?" Tila ba nabulunan si Jhoyce sa tinanong ni Alyanna. Mabuti na lang at may laman pa ang kaniyang baso kaya naman dali-dali
