BUONG araw naglinis si Ira ng kaniyang condo unit. Kapag kasi wala siyang ginagawa ay iniisip nito ang pagkawala ng Ate Rissalyn niya. At kapag nasimulan niya ay wala na naman itong magawa kung hindi ang umiyak nang umiyak.
Nang matapos ito sa paglilinis ay kinuha niya naman ang papel na naglalaman ng script at nagsimulang magkabisado. Pinipilit niya sa kaniyang sarili na magagawa niya ito kahit paulit-ulit lang siya sa isang linya.
"Kumain ka na, Ira. Hindi puwedeng lagi kang ganiyan, pinapatay mo 'yong sarili sa pagtatrabaho." Tinignan ni Ira ang nilagay ni Jhoyce na pagkain sa lamesa sa kaniyang harapan at pagkatapos ay binalik din ang tingin sa script.
"Hindi pa ako nagugutom, Jhoyce."
Gustong ibalin ni Ira ang attention sa iba dahil alam niyang ito na ang huling araw ng libing ng
