PAGKAUWI sa bahay ay agad na lumapit sa kanila ang dalawang katulong. Sinalubong nila na may ngiti sa labi si Ira habang buhat pa rin nito si Riley. Kaso nawala ang mga ngiti nila nang mapansin ang pagiging seryoso ng dalawa.
"May nangyari bang hindi maganda?" tanong ni Manang Norma habang papalit-palit ang tingin nito sa kanilang dalawa ni Ira at Allen. Alam kasi nila na susunduin ng dalawa si Ira para surpresahin. Hindi tuloy nila matukoy kung naging maayos ba ang pagsurpresa nito sa dalaga.
Hindi sumagot si Allen at nagpatuloy lang sa pagpasok sa loob ng bahay hanggang sa makarating ito ng kusina. Kumuha kaagad ito ng tubig sa loob ng refrigerator. Hindi na siya nag-abala pang isalin ito sa baso at tinungga na lamang ito sa may lalagyan. Wala pang ilang segundo ay naubos niya na kaaga
