NANLALAKI ang mata nang makita niya si Allen sa tabi. Tulog na tulog ito at nakanganga pa ang bunganga ng binata. Hindi niya magawang sumigaw o makakilos dahil alam niyang magigising si Allen. Nang maka-recover sa pagkagulat ay napasandal siya sa head board ng kaniyang kama habang iniiwasan na makaistorbo sa katabing lalaki.
Iniisip niya ang mga nangyari nitong mga nakaraang araw at halos lahat ng iyon ay kamalasan para sa kaniya. Bumuntong hininga ito para pigilan ang pagtulo ng kaniyang luha. Ang gusto niya lang ngayon ay makahanap ng paraan at makasagap din ng balita tungkol sa kaniyang director na pumanaw.
Napalingon siya kay Allen nang maramdaman ang paggalaw nito. Parehas silang nagulat nang magtama ang mga mata nila. Napaayos agad ng upo si Allen at napakuskos ng kaniyang mata. N
