INASIKASO ni Prix ang tatlong pinaka-may edad na sa mga mangingidang naroon. Mababait at masarap kausap ang mga ito. Marami siyang nakuhang impormasyon tungkol kay Ace mula sa mga ito.
“May nag-aasikaso nitong isla kapag wala si Sir Ace,” wika ni Mang Pedring. “Pero kapag nandito siya, iniiwan na siya rito ng caretaker ng isla dahil gusto lagi ni Sir Ace na mag-isa lang dito para makapag-relax daw siya. Kaya nga nagulat kami nang malaman namin na kasama niya rito ang kasintahan niya.”
Medyo nasasamid pa rin si Prix sa tuwing binabanggit ng mga ito ang ‘relasyon’ nila ng binata. “Biglaan din ho kasi ang pagpunta ko—namin dito. Napa-paranoid na ho yata rito na makakita ng multo.”
“Masuwerte ka, hija. Napakabait niyang si Sir Ace,” sabad ni Mang Tonyo. “Kung hindi dahil sa kanya, siguro a
