AGAD na napansin ni Prix ang malinis na kusina paglabas niya ng banyo. Inuna kasi niyang maligo na muna bago sana siya maghugas ng mga pinggan at maglaba. At mas lalo siyang nagtaka nang makita na si Ace ang naglilinis ng lababo.
“Akala ko aalis ka?”
“Malakas ang ulan. Paano akong makakaalis?”
Antipatiko talaga. “Hinayaan mo na lang sana iyan. Inuna ko lang naman na maligo bago ko hugasan ang mga pinggan.”
“Naiirita akong makakita ng mga nakatambak na hugasin sa lababo.”
“Sorry…Iwan mo na lang iyan dyan. Ako na ang magtatapos.”
“Tapos na.” Nagpatuyo na ito ng kamay sa hand towel bago bumaling sa dalaga. Napadako ang tingin nito sa kabuuan niya. “Mukhang sanay ka na sa mga damit ko, ah.”
“Sorry. Hindi pa kasi tuyo ‘yung mga damit ko…”
“Labhan mo na iyon nang tuluyan at babaho lang i
