MAHIRAP at delikado ang maging isang travel and wildlife photographer. Pero mas mahirap pala na pakibagayan ang isang Rian Ace Morales. Ito na yata ang pinaka-demanding na taong nakilala niya. Hindi na niya alam kung saan lulugar dahil bawat kilos niya ay tila laging mali para dito. And to think na wala pang isang araw ang lumilipas na magkasama sila.
“Para sa isang lagalag na gaya mo, hindi na ito masama,” anito nang matapos ito sa pagkain.
“At napansin mong hindi bumubula ang bibig mo? Ibig sabihin, matibay ang sikmura mo.”
“No. It just means that you earned another day to stay here.” Tumayo ito. “Siyanga pala, maligo ka ulit. Nangangamoy bawang ka at ayoko ng kasamang nangangalisaw.”
“Ikaw na nga lang ang nakikisinghot, may gana ka pang magreklamo. Huwag kang huminga kung hindi mo m
