“SAAN KA KAMO PUPUNTA?”
“Sa kagubatan ng Indonesia.” Nasa computer shop sila ni Blu. Tinipon ni Prix ang mga kaibigan para magpaalam sa mga ito dahil ayaw niyang basta na lang siya mawawala na naman na parang bula. Sigurado kasing puputaktahin na naman siya ng sermon ng mga ito sa pagbabalik niya.
“Akala ko ba magbabakasyon ka sa Europe pagkatapos ng huling assignment mo?” tanong ni Jereth. “Balak ko pa namang sumama…”
“Namahalan kasi ako bigla sa gagastusin ko kaya imbes na mag-aksaya ng pera, magtatrabaho na lang uli ako.”
“At nagmamahal ka na rin kasi.”
Nilingon ni Prix si Leila. “Ano na naman iyang dinadaldal mo dyan?”
“Si Mr. Ace of Spade, Rian Ace Morales.”
“Yes, about that. Puwede bang huwag mo nang masyadong ibandera ang personal life ni Ace sa tv segment mo? Tingin ko nama
