NANG araw na iyon ay minabuting isama ni Monica sa bahay niya sina Anna at Althea. Nangako kasi siya kay Myla na ipagluluto niya ito ng masarap na pananghalian kaya ganoon.
Calderetang baka ang inihanda niya para sa lunch. Kasabay nila si Anna sa pagkain.
“Bakit hindi mo dalhan ng pagkain si Jake? Baka hindi pa kumakain iyon,” ani Myla sa kanya nang tamang nagliligpit na sila ng pinagkainan nila.
Nang mga sandaling iyon ay nasa sala si Anna. Nanonood ito ng TV habang si Althea ay as usual, nasa stroller nito at mahimbing ang tulog.
“Maaga naman siyang uuwi ngayon eh. Sinabi niya sa akin na kaunti lang ang nasa appointment list niya ngayon. At isa pa, marami akong kailangang asikasuhin. Nagsabi na ako sa kanya na baka hindi ko siya mapuntahan today kasi galing na rin naman ako kahapon
