Itinuring kong isang tadhana ang pagkikita naming dalawa ni Elyse.
Dahil ni minsan ay hindi sumagi sa isip ko na kilalanin siya. Kung sino siya at kung ano'ng klaseng tao siya.
Ang pagtatagpo naming dalawa ay para bang itinakda.
Kahit na wala akong ginagawa ay kusang pinagtatagpo ang aming mga landas.
Unang tingin ko pa lang sa kaniya ay nakuha na niya ang mga mata ko.
Nalaman ko rin kaagad na siya ang pinakamahalagang babae ng kapatid kong si Kiran.
Sapagkat ang kaniyang katawan ay namarkahan na at pagmamay-ari na ng aking kapatid.
Buong buhay ko ay ngayon lang ako nanghinayang ng ganito.
Halos hindi ko magawang ilingon sa iba ang paningin ko.
Sa tuwing nasa trabaho kami ay tanging sa kaniya lang nakapokus ang atensyon ko.
Wala akong ibang nakikita kundi siya lang. Par
