Matagal kaming nagkwentuhan sa table habang hinihintay namin ang pagkain namin. Nakikitawa ako sa kanila kapag may sinasabi silang nakakatawa kahit kabado ako dahil kita ko na naman ang seryosong mukha ni Tristan. Nakikitawa rin naman siya minsan pero hindi nga lang siya nagtatapon ng kahit kaonting tingin sa akin kaya pinipigilan ko na lang ang sarili kong mapasimangot.
Naiinis ako na natutuwa sa mga reaksyon niya dahil bigla na lang yata siyang nagselos kahit na hindi naman talaga nag-reply sa text ni Vince.
"Capt, asan nga pala si Francine?" biglang tanong ni Jake.
Muli naman akong napaangat ng tingin dahil ang akala ko nga rin ay makakasama at makikita ko ngayon si Francine nitong lunch. Palihim naman akong tumingin sa loob ng cafeteria para hanapin siya roon pero anino man niya ay
