"Tristan, ano ba?! Ibaba mo nga ako!" halos magpumiglas ako roon habang buhat-buhat niya ako palabas.
Hindi ko alam pero tingin ko ay mas lalo akong nahihilo at nalalasing dahil sa ginagawa niya sa akin.
"Thank you!" narinig kong sabi niya at naramdaman ko na ang pagparada ng isang sasakyan doon sa harapan.
Mukhang may inutusan siya para sa sasakyan na 'yon kaya naman nang dalhin niya ako roon ay agad kong naramdaman ang upuan ng sasakyan. Hindi pa ako nakagalaw agad dahil umiikot ang paningin ko.
Naramdaman kong sinarado ni Tristan ang pintuan kaya pilit akong umayos ng upo dahil nagulo ang buhok at damit ko.
"What's your problem?!" galit na tanong ko sa kaniya nang tuluyan siyang makapasok sa sasakyan.
Hindi siya kumibo at bahagyang lumapit sa akin. Nanlaki naman ang mga mata ko da
