Humahangos si Jada na pumasok sa loob ng ospital karga-karga ang anak na si Justin. Kaninang umaga pa ito nilalagnat, pinainom naman niya ito ng gamot, ngunit hindi pa rin humuhupa ang lagnat nito kaya ipinasya niyang dalhin na ito sa ospital para matingnan ng doktor, dahil nag-aalala na siya. Matamlay ang kaniyang anak at wala itong ganang kumain. Kahit ang pag-inom ng gatas ay ayaw rin nito. Natatakot siyang baka ma-dehydrate ang bata. Kanina pa siya tawag nang tawag kay Jacob ngunit hindi nito sinasagot ang mga tawag niya. Hinintay niya ito hanggang sumapit ang alas siyete ng gabi oras ng uwi nito sa kanilang bahay, ngunit hindi ito dumating. Kaya kinaya niyang mag-isa na dalhin sa ospital si Justin.
Agad namang inasikaso ng mga nurse na naka-assign sa emergency room ang bata. May pedi
