"Gusto kong magtrabaho ulit."
Bumaling ng tingin si Jacob kaya Jada. Nangunot ang noo nito at nagsalubong pa ang mga kilay.
"Ano'ng sinasabi mo?" iritadong tanong nito.
"Ang sabi ko, gusto kong bumalik sa pagta-trabaho, sayang naman kasi ang pinag-aralan ko kung dito lang ako sa bahay," sagot niya habang sinasalinan ng malamig na tubig galing sa pitsel ang baso ni Jacob.
Napaigtad siya ng biglang hawiin ni Jacob ang baso, bumagsak ito sa sahig at nabasag, nagkalat ang bubog at tubig sa tiles. Hindi niya maintindihan kung bakit ganu'n na lang ang naging reaksiyon ni Jacob.
"Gusto mo ba talagang magtrabaho o dahilan mo lang 'yan para lumandi? Hindi mo kailangang magtarabaho dahil kaya kitang buhayin, kaya ko kayong buhayin ni Justin. At ano'ng pinagmamalaki mong career? Wala ka ng caree
