Walang pasok sa trabaho ngayon si Jada kaya naman sinamantala niya ang pagkakataong ito para makapag-bonding sila ng anak na si Justin. Isinama niya ito sa mall para makapamasyal naman ang bata. Dahil wala na siyang sasakyan kaya nag-taxi lang sila papunta sa pinakamalapit na shopping mall sa kanilang lugar.
Hinayaan niyang maglaro si Justin. May playground sa mall at enjoy na enjoy naman ang kaniyang anak sa pakikipaglaro sa kapwa niya bata. Isang oras ang binayaran niya para makapaglaro sa inflatable playground ang anak, siya naman ay naghihintay lang sa waiting area para sa paglabas nito. Nasisilip naman niya sa salaming bintana ang ginagawa ng anak. May mga staff din sa loob na nagbabantay sa mga bata para mapangalagaan ang seguridad ng mga ito kaya kampante siya.
Habang naghihintay
