Abala na sa election si Jacob. Kung saan-saan sila nakakarating para lang mangampanya at makakuha ng boto.
"Sa tingin ko tayo ang manalo. See ang daming sumusuporta sa'yo," tuwang sabi ni Sabina. Malakas ang kumpiyansa niya na makukuha ni Jacob ang posisyon bilang mayor ng kanilang lugar. Hindi siya magkamayaw sa pagkaway. Naghahagis sila ng mga candy at biskwit sa mga nadadaanan nilang tao na matiyagang naghihintay sa initan para lamang makita sila. May mga t-shirt din silang pinamimigay na naka-imprenta ang mukha ni Jacob.
"Sana nga," sabi naman ng abogado.
"Teka... Nagawa mo ba ang pinagagawa ko sa'yo?" tanong niya kay Sabina.
Inalis ni Sabina ang atensiyon sa mga tao at bumaling sa kaniya. Umiling ito. "Hindi pa, mahirap kumbinsihin si Mr. Torres," sabi niya.
Dumilim ang mukha
