Iniwan ni Caleb si Kelly na hindi nakaimik. Wala na siyang pakialam kung may makaalam man ng tungkol sa kanila ni Jada dahil nakaraan na 'yon. Natanggap na sana niya ang kaniyang pagkatalo kaya lang ay parang hindi worth it ang pagpapaubaya niya.
Nakailang beses siyang naghilamos, tiningnan niya ang sarili sa malaking salamin. Ilang minuto na siya sa banyo ngunit hindi pa rin siya lumalabas. Parang gusto na lamang niyang umuwi dahil hindi siya komportable na nakikita si Jacob at Sabina. Umiinit ang dugo niya kapag nakikita ang mga ito. Alam niyang hindi pa naman sigurado ang kaniyang hinala ngunit kailanman ay hindi pumapalya ang kutob niya.
Huminga siya ng malalim at pagkatapos ay kinuha ang panyo sa bulsa ng suot niyang pantalon, pinunasan muna niya ang kaniyang mukha at pinatuyo bago
