Lea Adino
"Aalis po ulit kayo, Mama?" tanong ko nang makita kong bihis na bihis na naman siya, may suot pang tote bag na tila may mabigat na laman.
Nakahiga pa rin ako sa sofa at pinipilit pakalmahin ang sakit ng ulo ko habang patuloy na lumalagapak ang tunog ng washing machine sa laundry area. Sa harapan ko ay nakapatong sa coffee table ang mangkok ng chicken noodles at pandesal na hindi ko maubos-ubos. Kahit gutom ako ay parang wala akong gana kumain.
Kabababa lang ni Mama mula sa hagdan, at halatang nagmamadali siya.
"Bakit? Ano'ng gusto mo, magpabulok na lang ako dito sa bahay?!" singhal niya agad, na halatang iritable.
Napakurap ako. Pwede namang sumagot nang mahinahon, pero bakit parang napakahirap gawin 'yon para sa kanya?
"Hindi naman po sa gano'n, Mama," sagot ko nang mahina
