"Ate..."
Napalingon kami ni Kayla kay Nerissa, na ngayo'y naghuhugas na ng mga plato sa sink. Si Kayla ay inuusisa ang lahat ng mga kagamitan dito sa kusina, habang ako naman ay kumakain ng prutas dito sa island counter. Sila Drake at Norris naman ay lumabas.
"Hindi pa rin ako makapaniwala na nauwi sa ganito ang lahat," ani Nerissa.
"Ano'ng ibig mong sabihin?" tanong ko naman sa kanya.
"Na maganda ang naidulot nang pagkakasanla nila Mama at Papa ng lupa natin sa bangko. Kasi kung hindi, wala ka siguro ngayon dito sa bahay na ito, at hindi ka mapapabilang sa mga Delavega. Sobrang yaman ng pamilya nila."
"Mapupunta pa rin naman dito si ate kahit hindi nasanla ang lupa natin dahil sinabi naman ni Kuya Drake na mahal niya si ate," sagot naman kaagad ni Kayla.
"Yon ay kung manliligaw si
