THIRD PERSON POV
Mula sa labas ng gate ay mataman na nakatitig si Renzo sa glass wall ng kwarto ni Nixon. Kahit pa may makakapal na kurtina ay aninag pa rin mula sa labas ang mga anino sa loob—mga siluetang gumagalaw. Magkadikit. Magkayakap. At walang alinlangang nagtatampisaw sa kasalanan.
Tumigil ang mundo ni Renzo.
Nanikip ang dibdib niya habang ang galit ay bigla na lang sumambulat sa buong katawan niya. Pumikit siya ng mariin at pilit pinakalma ang sarili, pero mas nangingibabaw ang apoy ng panibugho. Halos masira ang gate sa lakas ng pagkakahawak niya roon.
Bumalik bigla sa isip niya ang eksena kung saan nagtungo siya sa mansyon ng mga Delavega sa Mindoro, at nakitang may kasamang babae sa loob ng kwarto si Nixon. Noong araw na 'yon ay nalaman niyang maagang umalis si Feb noong p
