"Iimbitahin sana kita sa kasal ko bukas," sabi ni Pinty, ang bride kay Kyle. Ngumiti naman ang lalake at mukhang kahit hindi siya imbitahin ay dadalo pa din siya bukas.
"Thanks, I'll be there." Nakangiti at pasimple pa siyang sumulyap sa akin. Batid kong nahahalata na siya ng kaibigan namin at ilang mga marites sa paligid na hinahanda na ang mga lulutuin para mamayang gabi. May sayawan daw mamayang gabi at may nirentahan silang isang banda.
"And also... Hindi nakapag-leave sa trabaho iyong kaparehas sana ni Yonah bukas, kaya kung puwede din sana ay ikaw na lang?"
"Sure!" Ang bilis kausap. Tumawa si Sunny, si Pinty naman ay nangingiti at mukhang alam nito na papayag si Kyle kahit hindi na siya makiusap.
Pagkatapos kumain ay nagpaalam na din si Kyle upang magpunta muna sa site. Babal
