“Si Skye, ate?” tanong ko sa pinsan ko na siyang nagbukas ng gate para sa akin.
Hindi niya kasama si Skye ngayon, hindi katulad noong mga nakaraang araw na kahit dito sa gate ay hinihintay rin niya ako. Mag-alas siyete na ako nang makarating dito sa bahay. Ayokong umuwi nang magulong-magulo ang isip kaya nagtagal pa ako sa labas para magpahangin at mag-isip. Hindi ko na namalayan ang oras at agad na nagsisi ako dahil may Skye nga pala na siguradong hinihintay ang pag-uwi ko.
“Iniwan ko sa loob, nanonood ng TV…” sagot naman ng pinsan ko na kasalukuyang nagsasara ng gate.
Kinuha ko lang ang bag ko at nauna nang pumasok sa loob. Sa pinto pa lang ng bahay ay natanaw ko nang nakabukas ang telebisyon at kasalukuyang naghahabulan ‘yong pusa at daga. It is the only cartoon series that Skye l
