Ria
HANGGANG gabi ay halos hindi na lumabas sina Lucia at Daeria sa room nila. Napilit lang namin silang palabasin noong maghahapunan na kami. Pero agad rin silang bumalik noong matapos kaming kumain.
Hinakot na kasi nila doon ang mga toys nila. May mga toys rin na binili kanina sa mall sina Jonnel at Yaya Erlinda—tig-iisa ang dalawang bata. Hindi rin nakalimutan ni Jonnel na bilhan ng pasalubong ang anak namin ni Daemon.
Ang mga damit ni Daeria ay nailipat ko na rin kanina lahat sa walk-in closet niya. Dinala na lang din muna namin doon ni Yaya ang mga gamit ni Lucia dahil nga magtatabi muna sila sa pagtulog simula ngayon. Room na rin muna ito ni Lucia pansamantala.
Malaki ang bed na kakasya ang apat na tao kaya magiging kumportable ang tulog nila. Malawak ang silid na ito ni Daeria,
