PAGTINGIN ulit ni Hannah sa garahe ay naroon na si Zack at binubuksan ang itim na kotse. Pero mas pinansin niya ang umaapoy na ilalim ng kotse.
“Zack!” tawag niya kay Zack.
Napansin din ni Zack ang pagliyab ng ilalim ng kotse. Kinuha kaagad nito ang hose ng tubig saka inapula ang apoy bago pa tuluyang sumabog ang kotse. Tiyak na mage-eskandalo sila.
“s**t!” Napamura ito matapos mapagtagumpayang apulahin ang apoy.
Dahil sa pangyayari ay ang puting kotse na lamang ang ginamit nito. Hindi na natahimik ang isip ni Hannah. Dahil sa presensiya ni Marcos ay hindi kaagad niya nasabi kay Zack ang buong detalye na natuklasan niya tungkol sa mga organisasyon.
Hindi mapakali si Hannah habang magkasalo sila ni Zack sa tanghalian sa isang eleganteng restaurant sa hotel na pag-aari nito. Na-amaze si
