"What's up, may problema ba?" Tanong sa kanya ni Inigo nang magkita sila ng kaibigan sa may Alvarez Beach. Matapos ang klase niya tinawagan niya si Inigo para makipagkita rito kung hindi ito busy. Pinagpasalamat niyang laging may free time sa kanya ang kaibigan.
Nakausap na kasi niya si Lexie kanina at magkikita sila nito sa coffee shop malapit sa subdivision nila. Iyon nga lang ma le-late daw ito dahil sa trabaho kaya naman tinawagan na muna niya si Inigo para may makausap siya habang hinihintay ang oras ng pagkikita nila ni Lexie. Kung uuwi kasi siya maiinip lang siya sa bahay at kung anu-ano na naman ang papasok sa isip niya. At least kung may kausap siya malilibang siya kahit kaunti.
"Wala, gusto ko lang ng makakausap," tugon niya sa kaibigan at ngumiti rito habang naglalakad na sila
