Rence POV
Annie's Wedding
Napatingin ako sa relo ko habang naghahantay sa Bride na si Annie.Kumpleto na ang mga bisita, entourage at siya na lang ang hinahantay. Nasa tabi ko si Adam na kanina pa patingin tingin sa labas ng simbahan. Nakita kong kinausap niya ang isang bodyguard at lumabas agad sa simbahan.
Ipapasundo na niya siguro si Annie. Ilang minuto na lang kasi ay mag-uumipsa na ang kasal.
Mahal niya nga talaga si Annie dahil pinakasalan na niya agad ito sa kabila nang mga masasakit na nangyare sa kanila.
Napalingon ako kay Alex na nakapila na sa entourage. Hindi ko maiwasang lalong humanga sa kanya dahil angat na angat ang kagandahan niya. Ganun nga talaga siguro pag mahal mo ang isang tao. Siya lang ang maganda sa paningin mo.
