"Kuya Khem!" matinis na sambit nina Elijah Shane at Garrette James. Sabay pa talagang tumakbo at yumakap ang dalawang bata sa pinsan nilang bagong dating.
"Slowly kids. Baka madapa kayo," maagap na sawata ni JD sa pag-aalalang baka madapa ang mga pamangkin. May kaso naman kasi itong hawak kaya't isinama sa Baguio ang mga anak kahit pa ilang araw lamang.
"Papa James!" muli ay sambit ng dalawa saka nag-unahang lumipat sa kaniya.
Sa isipan niya ay mga Arellano nga ang mga ito. Mabilis magbago ang moods. Halos hindi pa nga sila nakakapasok ay sumalubong na ang mga pamangkin niya. Sa tahanan naman kasi ng mga Cameron sila dumiretso. Itinawag pa ng hipag niya sa mga magulang niya na doon sila dumiretso. Pumayag na rin siya dahil malapit lamang ang gymnasium kung saan gaganapin ang competition
