NAIILING AT WALA na lang maisagot si Blue sa mga isinumbong ni Ashley sa kaniya. Kahit pagtakpan niya si Alexa sa mga katarantaduhan na pinagsasabi nito, sa huli siya pa rin ang talo dahil totoo naman ang mga sinasabi nito.
"Wala akong masabi Blue sa babaeng 'yan. Paano mo nalalampasan ang ugaling meron 'yan?" sambit pa nito.
"Huwag ninyo na lang pansinin, nagsumbong din si Gregorio sa akin." aniya na may ngiti pa rin sa labi.
Nakahiga siya sa kama at walang balak na lumabas tiyak makikita lang niyang nakabusangot si Alexa dahil biniyayaan niya ito ng matinding parusa. Pinalinis niya ang buong bahay at lahat ng kurtina maging ang mga kobre ng upuan sa kusina at sala ay isinama niyang ipinalaba.
"Kumusta ang meeting mo sa Dubai?" malamlam na tanong nito sa kabilang linya.
"Okay lang n
