HINDI na mawaglit sa isipan ni Janet ang tungkol sa pendant na nakita niya sa jacket ni Zack. Gusto niyang usigin si Zack tungkol doon pero wala pa siyang lakas ng loob. Ninanamnam niya ang sandaling inimbita siya nito ss bahay nito para magtanghalian. Naisip niya, marahil ang strategy na iyon ng binata ang bumibihag sa puso ng mga kababaihan. Hindi ito katulad ng ibang lalaki na idinadaan sa pa-cute ang pag-akit sa babae. Napaka-natural ni Zack, at walang kaartehan sa katawan. Prangka ito at medyo liberated.
“Kumain ka pa. Masyado ka namang mahiyain,” sabi nito, nang siguro’y napansin ang sobrang bagal niyang kumain.
Magkaharap sila nitong nakauposa sa oval na lamesa. Dinagdagan niya ang kaniyang kanin. Kumuha siya ulit ng battered shrimp. May niluto ring sinampalukang manok si Zack. An
