KINABUKASAN ay sinamaha ni Zack si Janet sa safe house sa Mactan kung saan may survivor na psychiatrist. Nahihiya na siya rito. Naabala na niya ang oras nito. Mayroon na ring clinic roon si Dra. Lyn Galvez. Si Zack rin pala ang nag-rescue rito noon. Sadly, pareho na sila ng doktora na nawalan ng pamilya. Namatay rin ang asawa nito at mga magulang.
Nakaupo silang magkatapat ni Zack sa lamesa na inuukupa ni Dr. Galvez. Ito rin ang nag-assist sa mga survivor na dinapuan ng matinding trauma at depresyon dahil sa apocalypse. Isinalaysay niya rito kung ano ang mga kakaibang nararamdaman niya. Epekto pa rin daw ng trauma na pinagdaanan niya ang mga nararamdaman niya.
Pinayuhan siya nito na huwag magpuyat at sobrang pagod. Kailangan din niya na makisalumuha sa ibang tao para may kausap siya pala
