Tahimik na sumunod si Sam sa loob ng bahay. Napansin niya na maliit lang iyon at simple lang pero malinis at nasa maayos ang lahat ng gamit.
"Uncle I have something for you," anang Gabriel.
"Huhulaan ko. Siguro 'yong paborito kong wine ang dala mo," nakangiting tugon naman ng uncle ni Gabriel.
"Tama ang hula ninyo." Kaagad na iniabot ni Gabriel ang isang box na may lamang wine.
"Alam na alam mo talaga ang gusto ko. Hija, ano nga pala ang pangalan mo?" baling nito kay Sam.
"Samantha po," tila nahihiyang sagot naman ni Sam.
"Mabuti naman at nagkakasundo kayo ni Gabriel. Anyway, congratulations sa inyong dalawa."
"Ho? Nagkakamali ho kayo ng iniisip hindi po–"
"Naku huwag ka nang magpaliwanag at naiintindihan ko. O siya, mag-tea muna kayo at magpapaluto ako ng makakain," sabi nito saka
