Chapter 22
3rd Person's POV
Nakaupo si Aominee sa railing habang nasa himpapawid si Hagen. Pinatitibay nito barrier tuwing gabi— pinakikiramdaman ang buong paligid.
Bahagyang napamangha si Aominee matapos makakita ng walong itim na cristal sa paligid at mula doon may lumabas na pulang kapangyarihan.
"Mas lumalakas pa si Hagen habang tumatagal."
Napalingon si Aominee nang marinig ang boses ni Barbara. Nakita niya ang dalaga at nakangiting lumapit sa kaniya.
"Nagpapasalamat na lang ako dahil hindi siya katulad ng ibang snake shifter," ani ni Barbara bago lumapit sa railing at tiningnan si Hagen.
"Naniniwala ka bang tinuturing na destroyer ang mga snake shifter at nilikha para manira. Pumatay, mang-angkin at mangwasak— hanggang ngayon nagugulat pa din ako kung paano naging snake
