Chapter 29
PAGKABUKAS ng elevator ay agad bumungad sa'kin ang napakagandang sala ng sinasabi niyang penthouse. Napakaganda at tulad sa opisina niya ay may glass wall din siyang katapat ang sala. Itim na tiles ang sahig, itim ang mga upuan at may malaking flat TV screen din. Nangingintab ang repleksyon ng lapag sa papulubog na araw. Ang pagtama ng kulay dilaw na sinag ng araw ang dumagdag sa liwanag at ganda ng bahay.
“Maiwan ko na po kayo rito, Miss Aaliyah.” Agad akong napalingon sa lalaking nagdrive sa akin papunta dito. Naguluhan ako.
Pagkatapos kong makipagkasundo ay dito na niya ako pinapunta.
“Teka lang po, iiwan niyo po akong mag-isa dito? Sandali lang po Kuya..”
Lumakad siya papasok sa lift. “Mamaya pa po makakapunta dito si Sir Johann, may meeting pa kasi siya. Ang sabi niy
