Chapter 18
KINAGABIHAN ay agad kong inayos ang mga dadalhin namin. Mga pamalit naming damit at ilang mahahalagang bagay. Isang gabi lang naman iyon kaya maliit na bag lang ang dinala ko. Magkasama na ang gamit namin ni Adrian. Tinulungan ko ring magimpake sa maliit na bag si Lola. Mahaba-habang byahe din ang susuongin namin kaya nagbaon din ako ng sandwiches at inumin. Kulang na lang ay mapanganga ako dahil halos hindi ako makagalaw sa kinatatayuan ko. Seryoso? “Dito ba tayo sasakay?”
Nakangising lumapit sa'kin si Johann at sabay kuha sa dala kong maliit na bag. “Yes, po!”
Kumibot ang kilay ko. Kahit na wala akong alam sa mga sasakyan pero batid ko ang klase at itsura ng sasakyang dala ni Johann. Makintab na makintab ang balat nito. Kulay itim at magarang sasakyan ang dala niya. No
