ALAS SAIS pa lang nang umaga ay gising na si Corbin. Humupa na ang ulan pero makulilim pa rin ang langit. pero kahit hindi pa rin ganap na bumubuti ang panahon ay walang makakapagpigil sa kanya na puntahan si Eliza.
Binagsak niya ulit ang katawan sa kama. Sumilay ang ngiti sa kanyang labi habang nakatitig sa kisame. Nakikita niya kasi doon ang napakagandang mukha ng nobya. Ewan ba niya. Naaadik na yata siya rito. Hindi siya mapakali kapag hindi niya ito nakikita sa loob ng bente kwatro oras. Kung pwede nga lang ay sa iisang bahay na lang sila tumira para lagi niya itong kasama.
Konting-tiis pa at mangyayari rin ang pangarap niya para sa kanila ni Eliza. Kailangan niya ng ibayong self-control kahit ang totoo ay torture sa kanya kapag natitikman ang labi nito.. Ayaw kasi niya na makalimot
