Nagulat si Tyrese sa naging reaksyon ng ama nang malingunan siya kaya nagduda tuloy siya kung sino ang ka-text nito.
"Papa, ayos lang ba kayo?" untag sa ama.
"Ha? O-Oo, naman, ayos lang ako," mabilis na tugon ni Mauricio sa anak para hindi magduda. "Nagulat lang ako kasi hindi ko inaasahan na susunod ka agad," dagdag pang paliwanag.
Lalong nagduda si Tyrese sa kinikilos ng ama. Medyo nabasa niya kasi ang text nito at mukhang may kakatagpuin ito mamaya.
"May sasabihin ka ba?" untag na usisa ng ama sa pakay kung bakit siya sumunod rito.
"Sasabihin ko sana kung pupunta ka sa bukid ay sasama ako pero mukhang may iba kang lakad," hindi mapigilang hirit sa ama.
"Ha?!" gulat na turan ni Mauricio dahil mukhang nabasa nga ng anak ang kanyang text. "Oo, tumawag ang business associate ko at gus
