THIRD PERSON'S POV
Tumila na ang ingay ng mga putok at sigawan. Sa wakas ay tahimik na ang paligid ng dalawang pasilidad, ang Bilibid Maximum Security Facility at Women's Detention Facility. Nakaposas na ang lahat ng tauhan ni Kennedy, ang mga dokumento at ebidensya ay nasa kustodiya na ng mga awtoridad, at ang lugar ay muling kontrolado ng batas.
Nailabas na rin ang bangkay ni Kennedy Villaroel mula sa control room. Nakatakip ng itim na tela ang katawan nito habang isinasakay sa isang SOCO van. Wala nang naiwan sa dating hari ng kulungan kundi isang malamig na bangkay at wasak na reputasyon.
Maging si Warden Alondra Reyes ay pinosasan din. Tahimik siyang inilabas mula sa gusali, at isasakay sa isang sasakyan ng Internal Affairs Division, kasunod ng isang convoy mula sa National Bureau
