Aegia Haven
Pinaglalaruan nga yata kami ng tadhana.
Habang humaharurot ang dala kong motorsiklo sa kalsada ay pilit ko namang inaayos ang paghinga ko sa loob ng helmet. Pero kahit gaano ako humugot ng hangin ay hindi nito maibsan ang bigat na dumadagundong sa dibdib ko.
Bakit ngayon? Bakit kailangang ngayon pa siya bumalik—sa panahong akala ko ay tuluyan ko na siyang nailibing sa nakaraan ko? Sa panahong unti-unti ko nang binubuo ang buhay ko kasama si Silver?
Mas binilisan ko pa ang takbo ng motorsiklo ko, pero mas mabilis ang mga tanong sa isip ko. Mas mabilis pa sa mga sasakyang nilalampasan ko, sa mga ingay ng siyudad na dumadaan lang sa tainga ko gaya ng mga alaala naming pilit kong kinakalimutan.
Anong karapatan niyang bigla na lang lumitaw muli?
Ang lalaking iniwan ako sa gitn
