Kung nakamamatay lang ang tingin ay malamang kanina pa bumulugta ang babaeng kasama ni Ylac na pumasok sa Restaurant. Kilala ni Gwen ang babae. Nakikita niya sa magazine at T.V. Supermodel. Matangkad, maganda, makinis. Walang peklat. Perfect sana kaya lang mukhang isang bulate na lang ang hindi nakakapirma sa death certificate nito. Mas payat sa kanya. Sa kaputian ay nagmumukhang kalansay. Pinagtataka niya kung paano naging sexy iyon sa paningin ng iba.
Pinandilatan niya ng mata si Ylac nang makitang mapadako ang mata nito kung saan siya nakapuwesto sa sulok ng restaurant na iyon. Tatlong araw itong nawala. Ang paalam nito sa kanya ay pupunta sa Hongkong may aasikasuhing business. Mukhang kararating lang nito. At pakikipagdate na kaagad ang inatupag. Ni hindi man lang tumawag sa kanya par
