ILANG ARAW na ang lumipas ngunit tuwing gigising ako at babangon ay napapahinto ako. Mabigat ang nararamdaman ko. Ni hindi ko magawang maibalik kahit isang simpleng ngiti lamang.
Hindi na niya ako pinupuntahan o kinakamusta man lang. Pero hindi ko naman siya hinihikayat o pinaasa man lang. Ang huling pag-uusap namin ay tila nagbukas ng katotohanan at ng tunay naming saloobin.
Magkaiba kami ng ninanais. Kaya alam kong katumbas no’n ay malaking pagbabago.
Madalas ay mag-isa lang ako sa bahay. May iba na rin kasing pinagkakaabalahan si Susan. Pero may paminsan-minsan ay nangangamusta siya sa’kin.
Pakiramdam ko ay mas malulungkot lang ako kapag nanatili pa ako sa bahay. Kung kaya tinawagan ko na si Greg at sinabihang magbubukas na ulit kami sa shop.
Maraming ring inquiries at requested o
