ISANG MALALIM na buntong-hininga ang pinakawalan na Esmeralda, at sinundan ito nang pag-agos ng mga luha niya.
“Ano ba itong pinasok kong mundo?” malungkot niyang tanong sa kawalan. Subalit nakikinig si Darwin sa kanya.
“Hindi pa huli ang lahat para makalabas ka sa maling mundo na pinasukan mo, hayaan mong tulungan kita,” madamdaming presenta ni Darwin. “Esme, wala akong tiwala sa asawa ni Tiago. Tingin ko, nakatali si Tiago sa asawa niya. Kaya mag-ingat ka, at huwag kang magtiwala sa Haruka na iyon!” dagdag niyang wika rito.
Napatingin si Esmeralda sa mga mata ni Darwin, “Alam ko, dahil nasaksihan ko ang ginawa nila kay Nancy,” wika niya, ngunit sa isip lang niya iyon. Dahil nagdadalawang-isip siya na sabihin ang tungkol sa nangyari kay Nancy. Sapagkat ayaw niyang ipagkalulong si Ti
