ANJA INGRID POV.
MATAPOS kaming kumain ay hinila ako ni Andrius sa labas ng bahay. Luminga linga ako sa paligid at masasabi kong maganda ang lugar na kinatatayuan ng two story house. Tila nasa taas iyon ng burol at makikita ang kabayanan ng Sorsogon. Mataas ang araw ngunit malamig ang simoy ng hangin kahit alas-dos pa lamang ng hapon.
“Lahat ng abot tanaw mo dito sa bandang kanan ay pagmamayari ng pamilya Malvar. Ang plano ko sa lupaing ito ay gawing hacienda at dito kami mamuhay ng aking asawa. Subalit naibenta ko ang 45-porsyento ng kabuuan sa lupain na ito na ipinamana sa akin ni Lolo. Nangyari iyon ng mamatay ang aking asawa. Pagkatapos ay binili ko ang abandoned resort kung saan kita dinala. Nang mga panahong yon ay wala akong nasa isipan kundi ang makapaghiganti. Ipinahanap kita d
